माहितीचा स्फोट असलेल्या जगात आपण वावरतो

घटना घडत असताना ती पुढ्यात येऊन ठाकते अशा अती वेगवान माहिती वहनाच्या कळात आपण आहोत. याच काळात तंत्रज्ञानानं प्रत्येकाच्या म्हणण्याला जगापर्यंत पोचवण्याचा अवकाशही दिला आहे. मुद्दा त्यांच्या वापराचा आहे. म्हणूनच समाजमाध्यमं आणि पारंपरिक माध्यमांतूनही तयार होणारया माहितीच्या प्रचंड प्रपातातून रास्त आणि उपयुक्त शोधण्याची गरजही आणखी वाढली आहे. तेच उत्तरही आहे, माध्यमांचा आणि माहितीचा अक्षरशः सुकाळ असलेल्या वातावरणात नवं चॅनल, पोर्टल कशासाठी या प्रश्नाचं.

समकालीन वास्तवाचं सखोल आणि सर्वांगीण दर्शन हा 'सकलम' चा एक हेतू. तंत्रज्ञानावर आधरित माध्यमांसमोरचा एक प्रश्न कायम असतो लोकानुनयी व्हायचं की लोकांच्या प्रती उत्तरदायी रहायचं. 'सकलम' उत्तरदायित्वाचे मूल्य मानतो. स्पर्धात्मक नॅरेटिव्हनं भरलेल्या जगात संतुलित पण ठाम भूमिका घेण्याचं पत्रकारितेचं मूलतत्व सांभाळेल.

सत्याच जामानिमा पांघरुन खोटं बिनदिक्कत हिडंत असंत अशा फेक न्यूज आणि डीप फेक व्हिडीओच्या भडीमाराच्या काळात माहिती देणारयाची विश्वासार्हता, विश्लेषण करणारयांचा वकूब, भाष्य करणारयांचा अनुभव आणि दृष्टीकोन याला कमालीचं महत्त्व येतं आहे. याचं भान असलेला चमू हे सकलमचं यूट्यूब चॅनेलच्या गर्दीतलं वैशिष्ट्य असेल. लोकांच्या वतीनं लोकांसाठी हा कार्यशैलीचा गाभ्याचा भाग असेल.